من فرحتى فيك تخنــق صوتى العبره ..}~

         اكثر من اول احبك بس ماابغى اقول
         أخاف لو قلت تتغلى على مره


         أنا بصراحه احبك حب مو معقول
         اكبر دليل لغلاتك غيرتى مره


        شف دمعتى لهفتى حتى العيون تقول
        احلى كلام احفظه ويضيع من نظره


        لــما تقولى احبك التفت فى ذهول
        من فرحتى فيك تخنق صوتى العبره


        لاغبت احس الدقايق فى الغياب تطول
        وتشب فى غيبتك وسط الحشا جمره


        كل البشر حبهم قطره غلا وميول
       وحبك بحر وش تجى عند البحر قطره


       مابالغ ان قلت وأن بالغت انا المسوول
       فـ أنا اصدق احساس بالدنيا على فكره ..